BUTUAN CITY – Magpatuman ang lokal nga kagamhanan ning siyudad sa Butuan og temporaryong pagsirado sa dalan sa may capitol drive sugod unyang alas8:00 sa buntag hangtud na sa ala1:00 sa hapon. Kini alayon na usab sa pag-abot ni Pangulong Ferdinand Marcos jr sa dakbayan.
Sirad-an ang Capitol Drive corner Montalban Street; Capitol Drive padulong 7/11; J.Rosales Avenue corner gikan Capitol Drive padulong T.Claudio Street intersection; Villa Kananga Road duol sa Girl Scout Headquarter; ug sa Abad Santos Street gikan Capitol Drive padulong sa 1st Street intersection. Samtang himoon og two way street usab ang dalang Claudio Street sa maong mga oras.
Gihangyo ang kooperasyon sa tanan labina sa mga establisamento nga duol sa mga apektadong dalan.
Ang road closure pinasubay sa Executive Order No.18 nga gipirmahan ni Butuan City Mayor Ronnie Vicente Lagnada.
