BUTUAN CITY – Gipanghimakak ni Konsehal James Cuta sa lungsod sa Magallanes, Agusan del Norte ang alegasyong iyang gipang-ilad ang tulo ka mga negosyante sa ilang lungsod human mikaylap sa social media ang maong modus nga naggamit sa iyang pangalan.
Sa ekskusibong pakighinabi ning sibyahan, gibutyag sa konsehal nga iyang nakumpirma ang maong mudos niadtong Hunyo 29 human nga usa sa mga negosyante ang mitawag kaniya ug gipa-confirm ang iya matud pang order nga mga school supplies balor 30-mil pisos nga aprubado matud pa sa ilang mayor.
Bisan ang ilang silingan, na-orderan na usab og 11 ka kahon nga soft drinks kansa nabulabog ug wala madala sa respnsable tungod kay dildto man kini gi-deliver sa ilang balay. Sunod-sunod pa nga mga tawag ang iyang nadawat aron pagkumpirma sa iyang mga orders rason nga dinhi na nabulabog ang diskarte sa maong scammer.
Apan duna gayo’y nakalusot human nga ang iya usab nga ka-uban sa konseho gi-ilad kondiin nakapadala kini og load balor 2-mil pisos. Padayon nila kining gipanubayan ang maong modus nga gitu-uhan nilang taga-Magallanes ra usab.
