BUTUAN CITY – Anaa sa luwas na nga kahimtang ang usa ka 30-anyos nga lalaki human kini nagluba sa iyang kaugalingon tungod sa selos kagahapon sa alas 8:00 sa buntag sa bisinidad sa Purok 3, Barangay Trinidad, Surigao City.
Base sa impormasyong nakuha gikan sa Surigao City Central Fire Station, gelayon silang miresponde sa maong insidente human kini gitaho ngadto kanila.
Nasuta nga ang biktima nga si Giveben Patiga, 30-anyos ang gitoohang mikomitar og suicide tungod sa selos base na usab sa pamahayag sa iyang 23-anyos nga kapuyo nga si Marlyn Salazar.
Dunay samad dinunggaban ang biktima sa tiyan rasong gihatagan sa mga personahe sa Surigao City Central Fire Station og first aid og gelayong gidala sa pinakadool nga ospital alang sa medikal nga atensiyon.
