BUTUAN CITY – Malampusong gilusad sa Butuan City Mobile Force Company ang pinakabag-ong programa nga mao ang “Bible Mo Program”. Gi-ablihan kini sa nakalabay nga adlaw sa Dulag Elementary School sa may Barangay Dulag, Butuan City sa presensiya usab ni Police Brigadier GEN. PABLO LABRA II, Regional Director sa Police Regional Office kon PRO-13.
Ang Bible Mo Program naporma gikan sa ideya nga pagmugna og mobile library gamit ang patrol car og mga basahon alang sa relihiyosong pagtoo lakip na ang Bibliya diin molibot kini sa mga gitarget nga barangays sa Butuan City aron ipanawagan ngadto sa mga street children, out of school youth og bisan kadtong anaa sa tunghaan nga mobasa og maminaw sa Pulong sa Ginoo nga esangyaw usab sa mga relihiyosong lider gikan sa nagkalain-laing religious affiliations.
Gisugdan kini pinaagi sa workshops og Bible Reading nga gihatag sa Jesus Community Church. Kabahin sa gilusad ang Signing of Wall isip Pledge of Commitment sa nagkadaiyang religious leaders og stakeholders nga misaad og padayong suporta sa matag aktibidad nga dunay kalabutan sa programa.
Dunay mga school supplies usab ang gitunol, og feeding program. Sa nahimong mensahe ni Police Brigadier GEN. PABLO LABRA II, hugot niini ang pagsuporta sa maong programa sa pagtoo nga kung katudloan ang nga bata mentras gamay pa diha sa pagtulon-an sa Ginoo, magdako kining dunay maayong pamatasan ug dili mamahimong badlongon sa komunidad.
