BUTUAN CITY – Wala na mahaw-as nga buhi ang usa ka minor-de-edad nga magtutungha human kini nalumos sa usa ka falls sa may Brgy. Getsemane, Bayugan City kagahapon sa alas 11:00 sa buntag.
Naila ang biktima nga si Alvin Ramos bacabis residente sa Brgy. Mt. Olive, Bayugan City.
Base sa nakuhang impormasyon gikan sa kapulisan sa Bayugan City POlice Station, nga samtang ang biktima maligo na unta sa maong falls kauban ang mga classmates sa may Getsemane Falls sa Brgy. Getsemane, Bayugan City, nahulog kini og na-adtu sa lawom nga parte sa maong tubig.
Pasado ala1:30 na sa hapon sa samang adlaw sa dihang mihimo ang SARAS Team sa Bayugan City og rescue/retrieval operation sa biktima human usab nataho sa iyang mga kaubanan.
Sulod sa pila ka oras nga pagpangeta, pasado alas 3:00 na sa hapon sa dihang nakaplagan ang biktima nga wala nag kinabuhi.
Base sa pamahayag sa mga classmates niini nga ang biktima dili kabalo molangoy. Gidala pa ang patay’ng lawas sa biktima sa Bayugan Community Hospital, sa Bayugan City.
