BUTUAN CITY – Gisugat sa mga Caraganons ang tuig 2023 nga sadya ug malinawon human wala’y natala ang Police Regional Office kon PRO-13 nga untoward incidents sa tibook rehiyon.
Subay niini gideklara ni Police Regional Office 13 Director PBGen Pablo Labra II nga malinawon, hapsay og luwas sa kinatibuk-an ang pagsugat sa bag-ong tuig sa Caraga.
Sumala sa opisyal, ang selebrasyon susama kasadya sa nakalabay nga tuig tungod sa sayu nga pagpangandam sa PNP Caraga og uban pang partner agencies ug kooperasyon sa publiko sa mga pahimangno nga dili molambigit sa mga ilegal nga kalihukan atol sa dakong okasyon.
Gawas niini, ang Regional Operations Division 13 wala usa’y natalang firecracker-related injury sa pagkutlo ning balita. Mapasalamaton si BGen Labra ngadto sa tanang Caraganons sa suporta nga gihatag ngadto sa kapulisan.
