BUTUAN CITY – Padayon pang gisuta sa kapulisan sa Magallanes, Agusan del Norte ang hinungdan sa kamatayon sa usa ka lalaki kinsa napalgan na lang nga naglutaw sa dagat sa Brgy. La Union sa Cabadbaran City sakop sa Agusan del Norte.
Sa eksklusibong pakighinabi sa Bombo Radyo Butuan, gipadayag ni PLt. Honorio Campus nga human nabangalan sa mga mangingisda ang biktima, ila kining gihiktan ug gidala sa ilang lugar sa Brgy. Caloc-an, lungsod sa Magallanes, Agusan del Norte.
Didto na naila nga ang biktimang naila una sa pangalaang Dodong Plaza, residente sa Brgy. Sto Rosario, Magallanes,, usa ka criminology student sa Caraga State University.
Gipa-ilalom na matud pa kini sa post-mortem examination ug gihulat na lang nila ang resulta niini aron masuta ang hinungdan sa iyang kamatayon.
