BUTUAN CITY – Patay ang usa ka babayeng engineer samtang kritikal ang anak niining 3-anyos human ang natigayong ngilngig nga digrasya kaganinang alas 1:45 sa kaadlawon sa may Purok-6, Barangay Ampayon, Butuan City.
Naila ang napatay’ng biktima nga si Engr. Sarah Mae Baldemero, 31-anyos samtang ang anak niini, gidala sa Butuan Medical Center.
Sa nakuhang impormasyon ning sibyahan, sakay ang mga biktima sa usa ka Toyota Innova color itom nga nagtangag sa plaka numero ZAA 8036 ug gimanihuan sa kaipon sa namatay nga si Nestor Gabriel Guillena, 32-anyos usa ka seaman parehong residente sa Purok-3, sa susamang barangay.
Nasayrang pauli na unta ang mga niini sa dihang midumbol sa samputan nga bahin sa usa ka 10-wheeler truck nga nagtangag sa plaka numero GEW 104 ug dunay kargang feeds nga gimanehuan ni Edwin Racaza nga taga-Buenavista, Agusan Del Norte gikan sa Cagayan De Oro og padulong unta sa Cabadbaran City.
Base sa pagsaysay security guard sa usa ka shopping mall sa maong dapit nga si Villaner Landero, 40-anyos, menyu nga taga Barangay Bao-baoan ning siyudad sa Butuan, nibuto matud pa ang ligid sa 10-wheeler truck og mopadaplin unta kini sa dihang gidumbol sa naghaguros nga sakynanan.
Nagkawatas-watas ang innova nga nakabig sa drayber agi sa daplin sa kalsada nga sementado rasong nalagpot ang mag-inahan. On the spot nga napatay ang inahan samtang anaa sa talandugon nga kahimtang ang anak. Sa karun, gikustudiya na sa kapulisan ang drayber sa 10-wheeler truck alang sa tukmang disposasyon.
