BUTUAN CITY – Hingpit nang napasakaan og kasong kriminal pinaagi sa inquest proceedings ang 11 ka mga kabanay kinsa mi-unay og patay sa usa ka 84-anyos nga lola tungod lang sa ilang kulto didto sa Balingasag, Misamis Oriental human sila nadakpan sa kapulisan pinaagi sa pagsugba niini sa kalayo.
Sa eksklusibong pakighinabi sa Bombo Radyo Philippines, gipadayag ni Balingasag Municipal Police Chief Teodoro de Oro, nga nadakpan ang mga suspek uban sa tabang sa lider mismo sa PBCM nga si Charlito Eugenio ug uban pang mga stakeholders.
Natigayon matud pa ang kremin dihang wala musugot ang biktimang si Teofila Cabusas nga ihulip nga lider sa bag-ong grupong misi-ak gikan sa Philippine Benevolent Christian Missionary kon PBCM ang kaugalingon ra usab niining apo nga ginganlan og Crisanto, sa rasong loyal ang biktima sa PBCM.
Nasayrang kini ang unang higayon nga duna’y natigayong pagsunog-patay sa usa ka two sa nasangpit nga lungsod. Sigon ni Major de Oro, upat sa mga suspek, anak mismo sa biktima nga gi-ilang sila Nicolas, Jocelyn, Belinda ug Rosalinda Cabusas samtang lima usab ang apo nga gi-ilang sila Crisanto ang gustong mahimong lider, Charlie; Romeo, Wilmer ug Rutchel Cabusas.
Duna usa’y ubang kabanay sa biktima nga andam mutestigo batuk sa mga suspetsadong gilangkuban sa pipila ka mga anak ug apo sa biktima.
Gani upat sa onse ka mga suspek ang nagklarong dili matud pa sila apil sa kremin rason nga ilang girekomendang himuong mga witnesses ug bahala na ang korte sa pagdesisyon niini.
