BUTUAN CITY – Nakig-alayon na ug nagpa-abot na og pahasubo ang Philippine Embassy sa Dubai ug ang Overseas Workers Welfare Administration kon OWWA ngadto sa pamilya ka duha ka mga Filipino expats nga napalgang patay sa maong nasud.
Sigon ni Consul-General Marford Angeles, tigpamaba sa Philippine Embassy sa Dubai, gipaniguro na sa kagamhanan sa Pilipinas nga hatagan og hustisya ang kamatayon sa duha samtang padayon ang gihimong imbestigasyon apan wala na muhatag pa og dugang detalye sa maong hitabo.
Hatagan usab sa gobyerno og gikinahanglang hinabang.
Padayon ang pakig-alayon sa Philippine Consulate General sa Dubai ngadto sa mga local law enforcement authorities nga maoy naglusad sa imbestigasyon kondiin sa pagkutlo niini nga balita, wala pa’y nahatag nga detalye sa ilang imbestigasyon ang UAE authorities.
