BUTUAN CITY – Gipa-abot pa sa Department of Social Welfare and Development kon DSWD-Caraga ang updated nga listahan sa mga benepisyaryo sa Pantawid Pamilyang Pilipino Progam kon 4Ps gikan sa ilang sentrong buhatan.
Kini subay na sa kamanduan ni DSWD Sec. Erwin Tulfo nga tangtangon na gikan sa listahan ang mga non-poor ug kadtong uban nga wala na’y anak nga 18-anyos pa-ubos apil na kadtong nakalapas sa patakaran sa pagpatuman sa programa.
Sa eksklusibong pakighinabi sa Bombo Radyo kang Crislea Celeste, ang 4Ps focal person sa DSWD-Caraga, gibutyag niining ang mga non-poor nga anaa sa listahan karon pa nahibal-an base na usab sa pinaka-ulahing update sa listahan niadtong tuig 2019 ug ang official result niini mao ang ilang gihulat.
Giklaro pa ni Celeste nga dili diha-diha dayon tangtangon sa listahan ang mga benepisyaryo tungod kay giplastar pa man sila apil na ang pagpahuman sa ilang anak hangtud nga na-categorize na sila nga mga non-poor.
