BUTUAN CITY – Patay ang usa ka bayong-bayong human gipusil pasado alas-6:05 kagabii samtang nakig-uban usab sa laing unom ka mga lalaki gawas sa usa ka tindahan sa Purok 4, Brgy. Antongalon ning siyudad sa Butuan kondiin ang biktima gitago lang sa pangalang Ondo, residente sa Purok 2-A, Brgy. Ampayon ning siyudad.
Migawas sa inisyal nga imbestigasyon nga samtang nakig-uban ang biktima uban sa iyang minor-de-edad gihapon nga barkada nga taga-Purok 4, Ampayon ug laing upat, usa ka lalaki nga nakakalo ug naka-face mask ang kalit lang miduol sa ilang grupo ug wala sila gipalihok dayong pusil sa biktima sa pipila ka higayon resulta sa iyang pagkahagba.
Daling mikaratil og dagan ang uban padulong sa kasagbutan samtang ang suspek dali usab nga misakay sa naghulat nga motorsiklo ug misibat padulong sa habagatang direksyon.
Pagresponde sa taga-City Disaster Risk Reduction and Management Office paglabay sa upat ka oras, gidala sa Butuan Medical Center ang biktima apan gideklara na kining dead-on-arrival sa attending physician.
