BUTUAN CITY – Pasakaan og kasong paglapas sa section 5 sa Article II sa Republic Act 9165 ang usa ka barangay kagawad human nakuhaan og usa ka selyadong transparent sachet sa suspected shabu nga gibana-banang nagkantidad og 4-mil pesos.
Atol kini sa gihimong buy-bust operation pasado alas-7:30 kagabii sa Purok 2, Brgy. Pautao, Bacuag, Surigao del Norte sa mga sakop sa Philippine Drug Enforcement Agency kon PDEA-Caraga, uban sa mga sakop sa Surigao del Norte Police Provincial Office, Directorate for Integrated Police Operations kon DIPO, kapulisan sa Bacuag ug Surigao del Norte – Provincial Drug Enforcement Unit.
Nakuha kini gikan sa posisyon ni Alter Dusaran, usa ka high value target tungod kay kagawad kini sa Brgy. Pautao sa susamang lungsod.
Apil sa nakuuha gikan sa iyang posisyon ang usa ka genuine nga one thousand peso bill isip marked money, ug tulo ka tag-one thousand nga boodle money.
