BUTUAN CITY – Nagmalampuson ang surprise drug test nga gilusad sa ginsakpan sa Philippine Drug Enforcement Agency kon PDEA-Caraga ngadto sa mga bus ug van drivers ug conductors ning siyudad nga gisugdan kaganinang sayo sa buntag sa may Langihan Premium Bus terminal.
Ang maong kalihukang gibansagan og Oplan HARABAS, usa ka simultaneous mandatory drug testing nga gihimo sa nagkada-iyang pantalan ug terminals sa tibuok nasud aron masiguro ang kaluwasan sa mga pasahero ug ubang mga motorista ng padulong ngadto sa tgsa-tagsa nila ka mga probinsya alang sa gikatakdang pagpa-uli sa mga tawo karon Semana Santa.
Sa eksklusibong pakighinabi sa Bombo Radyo Butuan, gipadayag ni PDEA-Caraga Assistant Regional Director Mary Leslie Sharon Maquilang nga niadto pang tuig 2019 kini nila gisugdan apan nahunong paglabay sa duha ka mga tuig tungod sa COVID-19 pandemic ug karong adlawa pa gibalik sa ilang sentrong buhatan kansa gilusad sa tibuok nasud.
Tumong niini nga masigurong luwas ang pagbiyahe sa mga sumasakay karong panahon sa Semana Santa.
