BUTUAN CITY – Tingkagol karon sa karsel sa Alegria, Surigao del Norte ang Sugbu-anong carnapper human nga wala gipasaylo sa iyang modus ang patrol car sa kapulisan ug iya kining gisibat.
Igo na lang nakapangalot sa ulo ang mga pulis dihang paggawas sa driver niini pasado alas-nueve gikan nangihi sulod sa police station, nawala na ang sakyanang giparada lang sa gawas nga bahin rason nga dali nilang gi-alarma ang kasikbit nga mga police stations.
Tuod man, wala mulampos ang carnapper nga si Kim Bachiller Tabar, hingkod ang pangidaron ug taga-Cebu City human kini nababagan sa kapulisan sa lungsod sa Gigaquit sa susamang lalawigan rason nga malampusong nabawi ang maong patrol car ug karon tingkagol na sa police station sa Alegria ang driver niini nga siguradong mag-atubang og tukmang kaso.
