BUTUAN CITY – Gihikay na ang kasong ipasaka batuk sa usa ka drug personality human nasikop sa operasyon kagahapon sa alas 2:10 sa hapon sa may P-4, Emelia Compound, Brgy. Holy Redeemer, Butuan City.
Naila ang nasikop nga si ALFREDO TRIBUNALO CALOOY JR, alyas Dodong, 45-anyos, ulitawo ug residente sa maong dapit kinsa usa ka drug surrenderee.
Gihimo ang operasyon pinaagi sa implementasyon sa search warrant tungod sa kalapasan sa Section 11 og 12 sa Article II, sa R.A. 9165 sa mga ginsakupan sa City Intelligence Unit sa Butuan City Police Office uban sa pakig-alayon sa Philippine Drug Enforcement Agency kon PDEA-13.
Nakumpiska sa maong operasyon ang 19 ka sachets sa gitoohang shabu nga gibana-banang mitimbang og 6 gramos nga mikantidad og 40-mil, 800 pesos ug cash nga mil-900 pesos sa nagkada-iyang denominasyon.
Sa kasamtangan ang nakumpiskang mga butang lakip na ang naaresto gikustudiya sa Butuan City Police Office alang sa tukmang disposasyon.
