BUTUAN CITY – Gikalipay og dako sa Department of Education kon DepEd-Caraga nga nadugangan og 230 ka mga tunghaan ang maka-apil na sa limited face-to-face classes sunod sa unang 285.
Sa eksklusibong pakighinabi sa Bombo Radyo Butuan, gipadayag ni Deped-Caraga spokesperson Peter Tecson nga tungod niini, mi-abot na sa 515 ka mga tunghaan sa entiro rehiyon ang mipahigayon na og face-to-face classes.
Apil na niini ang preschool, kindergarten, elementarya ug sekondarya, junior man o senior high school.
Apan giklaro sa opisyal nga magdepende pa gihapon sa mga school administrators ug sa lokal nga kagamhanan kung unsa ng grade levels ang ilang gitugutang makapahigayon sa in-person classes.
Alang sa uban nga gusto nang mag-face-to-face classes, tambag sa opisyal nga kinahanglang sundon nila ang mga patakaran sa health protocols.
Apil niini ang pagbutang og health safety essentials sa tunghaan, duna’y clinic ug kinahanglang gipahiluna ang entrance ug exit sa matag-lawak tunghaan.
Gidugang sa opisyal nga atol sa klase, higayong duna’y bata nga magpakita og simtomas sa COVID-19 sama sa hilanat, kinahanglang itaho gilayon kini sa magtutudlo kinsa mao na usa’y mu-report niini ngadto sa school nurse aron mahatagan og tambal o kaha diil una pasudlon sa klase hangtud nga madetermina na nga dili kini dala sa COVID-19.
Sama sa mga normal nga klase kaniadto, duna usa’y himuong flag ceremony ang matag-tunghaan adiser manulod sa classroom ingon man flag retreat.
