BUTUAN CITY – Miresulta sa kamatayon sa usa ka minor-de-edad ang natigayong pagpamusil alas 5:30 sa kaganinang hapon Emenvil Covered Court, Emenvil Subd., Ambago, Butuan City.
Naila ang biktima nga si Bembem Galinato, 15-anyos nga residente sa Purok-1, sa nasangpit nga subdivision.
Sa nakuhang impormasyon ngadto sa kapulisan ning siyudad, lima ka samad pinusilan ang na-angkon sa biktima gamit ang wala pa matumbok nga kalibre sa armas nga resulta sa iyang hinanaling kamatayon.
Ang suspetsado matud pa nakasoot ug color itom nga jacket nga dunay kalo, naka-mask og naka-pantalon diin human sa kremin daling misibat sa wala matinong direksiyon sakay sa itom nga singmotor nga Honda Wave.
Narekober usab sa nahitaboan ang 5 ka basyo sa bala. Gipahiluna sa usa ka pribadong punerarya ang biktima nga ipailalom sa paraphine test og post mortem examination.
