Biyahe sa mga sakyanang pandagat sa Surigao del Norte, temporaryong gisuspende sa PCG

BUTUAN CITY – Temporaryo nang gisuspende ning bunataga lang sa Coast Guard Station-Surigao del Norte ang paglawig sa mga sakyanang pandagat nga duna’y timbang nga 250-gross tonnage pa-ubos.

Kini human nagpagawas og gale warning ang PAGASA kaganinang alas-5:00 sa buntag tungod sa kusog nga gale force winds nga gibana-banang maka-apekto sa eastern seaboards sa Mindanao.

Sa gipagawas nga Notice to Mariners ni acting station commander John Alfwell Saarenas, gipahinumduman niini ang tanang mga sakyanang pandagat nga tugutang makalawig nga magbaton og precautionary measures ug mag-igmat kanunay sa pasulod nga bagyo nga tawgong Odette kung makasulod na sa Philippine Area of Responsibility.