BUTUAN CITY – Gihatagan na og pangalan sa World Health Organization kon WHO ang nadiskubrehang bag-ong strain sa Covid a “variant of concern” kondiin Greek name ang gi-designate niini nga mao ang Omicron.
Sigon ni Maria Van Kherkove, ang technical head sa WHO Covid-19 Response, ang maongvariant duna’y daghang ihap sa mutations kansang impact magtutok kung sa unsang paagi maglihok ang virus. Kini ang hinungdan nga mabinantayon ang ahensya ilabina sa pagpatuman og mga travel bans ug nagpatawag na og special meeting kondiin ilang gihisgutan ang maong variant.
Samtang sigon ni UK Health Secretary Sajid Javid duna na’y dako nga “international concern” kalabot sa variant nga unang napalgan sa southern Africa – apan wala pa’y mga kaso niini sa UK.
Hinuon duna na’y usa ka kaso nga nakumpirma sa Urupa pinaagi sa usa ka tawo nga naka-abot sa Belgium gikan sa Egypt sa uang bahin ning bulana.
Nagka-uyon ang mga EU member states nga ihunong una ang pagbiyahe padulong ug gikan sa pito ka mga African nations diin napalgan ang bag-ong highly mutated Covid variant.
Lakip sa mga nasud nga nagpatuman na og travel restrictions ang UK, Germany, Italy, Israel, Japan, Kenya ug Singapore.
