BUTUAN CITY- Misurender na sa kapulisan si Ismael Bataras ang suspect sa pagtulis ug pangpang-luba sa higala niining usa ka insurance employee nga si Mary Cris Naranjo ning nakalabay nga adlaw sa barangay Ampayon.
Sumala ni PolMaj Emmerson Alipit tigpamaba sa Butuan City Police Office sa pakighinabi ning sibyahan, nakonsensya matod pa ang suspeksa iyang gibuhat rasong nakahukom kining mutahan na sa kapulisan.
Sigon ni PolMaj Alipit pinaagi sa inquest proceedings, napasakaan na og patong-patong nga kasong Robbery with frustrated homicide ug Carnaping ang suspek kinsa nagtago-tago sa may Bonbon area adiser hingpit nga misurrender.
Dugang sa opisyal bisan paman mitahan na ang suspek apan wala na igkita pa ang gitagangag niining kwarta, selpon ug mga alahas.
Problemado matod pa ang suspek tungod sa dakong utang tungod sa gisudlang sugal rasong nabuhat ang maong krimen.
Madumdumang gi-hold up ug giluba diha sa Purok 7, Brgy. Ampayon ning syudad ni Ismael Bataras kanhi empleyado sa Land Transportation Office (LTO) ang biktimang higala ra niini nga si Mary Cris Olarte Naranjo kinsa nakaangkon og samad-nilubaan sa tuong bukton.
Gilayong misibat si Bataras bit-bit ang P60,000, 2 ka selpon ug 2 ka jewelry kansa nangilog pa og motorsiklo nga gipanag-iyahan ni James Martinez Tutor nga maoy gihimong get away vehicle.
Nagpabugnaw na sa karon sa Butuan City Police Station 4 si Bataras samtang nakagawas na usab sa ospital ang biktima human natambalan sa na-angkong samad-nilubaan.
