BUTUAN CITY- Balhog sa presohan ang lain pang tigpayuhot og illegal nga droga human masikop sa gilunsad nga buy-bust operation sa mga otoridad sa Brgy. Maon, Butuan City ning nakalabay nga hapon.
Naila ang dinakpan nga si Rey Estampa hingkod ang pangidaron kansa nasapon nga namaligya og shabu.
Sumala pa dugay nang gimanmanan ang suspek base na usab sa mga nadawat nga report sa “Isumbong Mo Kay Wilkins” facebook page nga nalambigit kini sa mga illegal nga binuhatan sa lugar ug sa mga kasikbit nga barangay.
Nakuha sa mga otoridad ang sachet shabu nga gigamit sa sa transaksyon, ug narekober usab ang laing sachet sa shabu gikan sa posisyon sa suspek uban sa buy-bust money ug selpon nga gigamit sa illegal nga tansaksyon.
Kalapasan sa RA9165 kon mas nailang “Comprehensive Dangerous Drugs Act of 2002” ang atubangon sa suspek nga anaa karon namalandong sa custodial facility sa PDEA Regional office.
