BUTUAN CITY – Nakatala og pinakadaghang patay karong adlawa tungod sa COVID-19 ang Caraga Region human nga mi-abot kini sa 29 samtang pinakataas usab ang mga bag-ong kaso nga mi-abot sa 704 kondiin sa maong ihap, 683 ang naka-isolate ug 369 ang mga nakarekober.
Tungod niini, mi-abot na sa 39,643 ang cumulative COVID-19 cases ning rehiyon kodiin 6,713 niini ang naka-isolate samtang 31,646 ang nakarekober na sa hingpit ug 1,284 na ang kinatibuk-ang patay.
Padayong nanguna sa mga duna’y daghang kaso ang Agusan del Sur nga mitala og 207 ka mga kaso nga gisundan sa Butuan CIty-61 dayon ang Surigao del Sur-101.
Anaa usab sa double digit ang mga kaso sa Bayugan City nga mi-abot sa 56; Agusan del Norte-53; Tandag City-30; Bislig City ug Cabadbaran City nga parehong mi-abot sa 28; samtang 19 ka mga kaso ang natala sa Dinagat Island province; 10 sa Surigao del Norte ug 8 sa Surigao City.
Dinhi sa dakbayan sa Butuan, pinakadaghan ang natala sa Brgy. Libertad nga mi-abot sa 16 nga gisundan sa Villa Kananga-15; Baan Km 3-12; Ampayon-9; Lumbocan-8 samtang tagpito ka mga kaso sa Holy Redeemer ug Ambago; 6 sa San Vicente; 5 sa JP Rizal samtang tag-upat ka kaso sa Ong Yiu ug Imadejas.
Nakatala usab og tag-tulo ka mga kaso ang Pagatpatan, Fort Poyohon, Doongan, Bonbon, Bayanihan ug Cabcabon samtang tag-duha ka kaso ang natala sa Tandang Sora, Pangabugan, San Mateo, New Society Village, Mahogany, Limaha, Golden Ribbon, Florida, Dumalagan, De Oro, Dagohoy, Buhangin, Bit-os, Basag, Banza ug Bancasi.
Nakatala usab og tag-sa ka kaso ang Brgys. Urduja, Tiniwisan, Taguibo, Sumilijon, Salvacion, San Ignacio, Rajah Sulaiman, Obrero, Maon, Los Angeles, Leon Kilat, Kinamlutan, Lemon, Dulag, Bading, Baan Riverside, Antongalon ug Agao.
