BUTUAN CITY – Mas kutihon na sa mga personaheng anaa sa mga vaccination centers ning siyudad ang pagtan-aw sa text message nga madawat sa mga Butuanong gustong magpatupok og COVID-19 vaccines.
Kini human nadiskubrehan kagahapon ang paggamit sa duha ka mga batan-on og peke nga text message kansa diligikan sa ButuanON System aron lang makapatupok og bakuna sa may FSUU gym sa sentrong bahin ning siyudad.
Sigon ni Janx Avergonzado, usa ka registered nurse, nasapon nila ang maong modus human namatikdan nila nga peke ang text message tungod kay dili kini computer-generated samtang ang ButuaON nga maoy silbi sender, wala’y number sa ubos.
Gipaberipika nila kini sa ilang supervisor ug dihang nakumpirmang peke ang text, mitawag na sila og pulis ug gi-imbestigahan ang maong indibidwal.
Dinhi na usab nasuta nga duna na kini ka-uban nga nakasulod na sa FSUU gym rason nga ila kining giduol ug gidala na sila sa police station alang sa dugang disposasyon.
