BUTUAN CITY – Mi-abot sa 30 minuots adesir malampusong napakana-og gikan sa ibabaw sa Magsaysay Bridge kagabii ang usa ka 27-anyos nga babaye human niya kini gisaka hinungdan sa paghu-ot sa dagan sa trapiko.
Naila ang misaka nga si April Lyn Yu, esidente sa Resurrecion Compund, Brgy. Holy Redeemer ning siyudad sa Butuan.
Sumala sa ka live in partner niining si Ronnie Delfin, 34-anyos, kanunay matud pa nga mag-inom si Yu tungod sa kahingawa niini sa usa ka tuig nga anak nga atua sa iyang ginikanan sa Tabon-Tabon, Sibagat, Agusan Del Sur human gipalayo kanila tungod kay permi lang niya kining biyaan.
Sigon usab ni Delfin, tumong lamang matud pa sa sa iyang ginikanan pagpalayo sa bata gikan kanila aron ma-atiman ug mabantayan pag-ayo sa mismo niyang inahan samtang siya nagtrabaho isip usa ka construction Worker ning syudad.
Samtang sumala usab ni FO1 Ralph Eupeña sa Butuan Central Fire Station Search And Rescue Unit, grabe ang ilang pakig-istorya sa babaye hangtud nga nakig communicate na kini kanila.
Gani dihang atua pa sa ibabaw sa Magsaysay bridge, misaysay kini sa iyang problema nga mao ang iyang kapin usa ka tuig nga anak nga dili matud pa ihatag sa inahan sa iyang ka-ipon.
Gihatag pa ang cellphone niini ngadto sa rescuer aron patawagan ang naghawid sa iyang anak ingon man ang iyang ka-ipon ug dihang hinay-hinay na nila kining nakumbinsi, gilayong gihikot ang pisi sa hawak niini hangtud nga malampuson nilang napakanaog.
Human napakana-og, nagdumili pa kini pagsakay sa CDRRMO Rescue Vehicle ug mihilak pa hinungdan nga gisakay na lang kini sa patrol sa Butuan City Police Station 1 ug gipa-ilalom sa counselling.
