BUTUAN CITY – Human ang kapin duha ka dekadang pagtago-tago, malampusong nasikop sa mga otoridad ang suspek sa pagpanglugos ngadto sa iyang step daughter nga nahitao niadto pang Mayo 2000.
Gi-ila ni Brigadier General Romero Caramat Jr., regional Director sa PRO 13 ang dinakpan nga si Romeo Aboloc Tumampos alias “Romy”, 58-anyos, kinsa nalista isip Top 8 Most Wanted Person sa Regional Level.
Gidakop kini pinaagi sa gahom sa warrant of arrest nga gi-isyu sa Regional Trial Court, 8th Judicial Region, Branch 18 sa Hilongos, Leyte kansa wala’y pyansang girekomenda.
Base sa complaint, gilugos ug gihulga ni Tumampos ang kaniadto, 15 anyos pa niining step daughter niadtong May 2000.
Human madawat ang impormasyon gikan sa Hilongos Municipal Police Statilon sa Leyte, gilayong mihimo og lakang ang kapulisan sa Sibagat, Agusan del Sur diin dinhi na usab kini nasikop ug temporaryo karong gidetine sa Butuan City Police Station 3 Custodial Facility alang sa tukmang disposition.
