BUTUAN CITY – Wala na maka-abot pang buhi sa ospital ang usa ka motorista human niini nakabangga ang usa ka kolor itom nga Mazda Sedan kagahapon sa alas-5:30 sa hapon sa Purok 2, Brgy. Songkoy, Kitcharao, Agusan del Norte.
Naila ang namatay nga si Gerald Segui Butiong, 33-anyos, minyo ug residente sa Purok 5, Brgy. Anahaw, lungsod sa Alegria, Surigao del Norte kinsa gidala pa sa Kitcharao District Hospital apan gideklara nang dead-on-arrival sa attending physician.
Migawas sa imbestigasyon sa kapulisan nga ang motorsiklong gimanehuan sa biktima, padulong sa direksyong Surigao City samtang padulong usab dinhi sa Butuan ang Mazda Sedan apan pag-abot sa dapit nga nahitabuan, kalit lang kini mitabok sa lane sa Sedan nga gimanehuan ni Lilibeth Elacion Perez nga taga-Resurreccion Compound sa Langihan ning siyudad, hinungdan sa head-on-collision nga muresulta sa pagkalagpot ni Butiong.
