BUTUAN CITY – Gikan sa kapin tag-200 ka mga kaso sa COVID-19 nga natala alang sa Caraga ning nakalabay’ng mga adlaw, karong adlawa, mi-abot lang sa 100 ang mga natalang bag-ong kaso kondiin 95 ang naka-isolate ug lima usab ang patay samtang 110 ang mga bag-ong nakarekober.
Sa mga bag-ong kaso, pinakadaghan ang natala dinhi sa Butuan nga mi-abot sa 23 ng gisundan sa 21 ka mga kaso sa Bisig City dayon sa Agusan del Sur-15; Agusan del Norte -11; napulo sa Surigao del Sur; Cabadbaran City-7; Dinagat Islands Province-6; Surigao del Norte-4 ug Surigao City-2.
Dinhi sa Butuan, pinakadaghan ang natala sa Brgy. Ong Yiu nga mi-abot sa 9; Libertad-4; tagduha usab sa Brgy. Limaha, Holy Redeemer ug Villa Kananga samtang tag-usa usab ka kaso sa Brgy. Bancasi, Bayanihan, Dagohoy ug Tiniwisan.
Sa pagkakaron, mi-abot na sa 14,305 ang cumulative COVID-19 cases ning rehiyon kondiin 2,725 ang naka-isolate; 11,139 ang mga nakarekober samtang 441 na ang tanang patay.
Gituyo kini aron makunhuran na ang kada-adlaw nga nagkataas nga kaso sa COVID-19 ug gitahasan sa mayor ang tanan nilang barangay kapitan nga hugot nga mupatuman sa nasangpit nga kamanduan.
