-- ADVERTISEMENT --
BUTUAN CITY – Nagkurog nga gisaysay sa 9-anyos nga anak sa magti-ayong Rebuera ang nakitang ngilngig nga insidente dihang nag-away ang iyang amahang si PSSg Jesryl Rebuera, sakop sa Surigao City Police Station ug inahan niining si Marifel Rebuera sulod sa ilang balay sa Nueva St., Brgy. Taft, Surigao City.
Migawas sa inisyal nga imbestigasyon nga nag-away matud pa ang duha pasado alas-nueve kagabii dihang kalit lang gikuha sa amahang pulis ang iyang armas sulod sa kabinet dayong pusil sa iyang inahan ug nagpusil usab sa iyang kaugalingon.
Gisuta pa ang hinungdan sa maong insidente.
