BUTUAN CITY- Nadungagan og 111 ka mga bag-ong aktibong kaso sa COVID-19 ang Caraga Region samtang duha usab ang patay.
Sa latest situationl report nga gipagawas sa DOH Center for Health Development- Caraga, 131 ang nadugang nga confirmed active cases sulod sa rehiyon.
Natala sa Butuan City ang pinakadaghang nadugang nga kaso nga adunay 39 ka bag-o samtang nadungagan usab ang Agusan del Sur og 29 ka kaso ; Agusan del Norte 8; tag-tulo sa Bayugan City ug Bislig City; Dinagat Islands 25; Surigao del Sur 2; ug tag usa ka ka kaso Surigao City ug Surigao del Norte.
Sa karon misaka pa 11,526 ang kinatibuk-ang kaso sa rehiyon diin sa maong ihap 9,688 ang mga recoveries.
Muabot pa sa 1,460 ka mga pasyente sa COVID-19 ang anaa sa mga isolation facility, ug misaka sa 378 ang kinatibuk-ang namatay human ang nadugang ang duha ka covid-19 related deaths.
