BUTUAN CITY – Gipangunahan sa Philippine Coast Guard kon PCG Marine Environmental Protection Force – North Eastern Mindanao ang pagsuperbisa sa siphoning operations nga gilusad ngadto sa LCT Cebu Great Ocean.
Samtang ang PCG Station Surigao del Norte, nagpagawas usab og ‘Certificate of Salvage Inspection Number 1’ ngadto kang Raul Basmayor, PCG-accredited salvor, isip supporting document sa lang salvage operations sa nasangpit nga barge.
Ipadayon gihapon sa mga rescuers ang ilang operasyon sa kadagatan sa Agusan ug Surigao del Norte aron makita na ang nahabilin pang pito ka mga crews niini nga gilangkuban nila ship Capt. Mario Palacio, Marvin Lusica, Oiler Mark Louie Masibag, Vincent dela Peña, Jaydee Juntilla, Mark Suarez ug Raneso Macapaz.
Katapusang nakit-an sila Clint Auxtero sa kadagatan sa Barangay Oslao, ug Limuel Dadivas sa Barangay Balite, parehong sakop sa lungsod sa San Francisco, Surigao del Norte.
