BUTUAN CITY – Mi-abot sa 12 ka mga in-bound rolling cargoes, 119 ka mga outbound rolling cargoes, 317 mga out-bounds passengers ug 22 mga inbound passengers ang stranded karon sa Lipata Ferry Terminal sa Surigao City tungod sa daut nga panahong hatud sa bagyong Bising.
Gihulat na lang nila ang abiso sa Philippine Coast Guard aron makalawig na ilabina nga mihinay na og dyutay ang bagyo ug hingpit nang nagpalayo sa Caraga Region.
Sa eksklusibong interview sa Bombo Radyo Butuan, gipadayag ni Surigao City Police Chief PLCol. Glen Sampaga nga naka-alerto ang iyang mga sakop ug nakig-alayon na sila sa mga barangay officials alang sa posibleng paghikling higayong mubundak ang kusog nga ulan.
Nanawagan kini sa mga residente nga sundon kanunay ang advisory sa local government unit.
