BUTUAN CITY – Gi-verify na sa Department of Health kon DOH-Caraga ang na-monitor nilang siyam ka mga probable variant cases sa COVID-19 sa Surigao del Norte.
Sumala ni Provincial Health Officer Dr. Arlene Felizarta, dili pa sila makadeklara kung nakasulod na ba o wala, ang bag-ong variant sa COVID-19 sa ilang lalawigan rasong ang maong siyam ka samples sa probable variant cases, gipadala na sa Philippine Genome Center sa kauluhan aron ma-examine.
Nasayrang sa siyam ka mga kaso, upat niini ang nagsumikad sa lungsod sa General Luna, 3 sa Dapa, ug tag-usa sa Gigaquit ug Malimono.
Naglaum ang kadumalahan sa maong probinsya nga magnegitibo sa bag-ong variants sa virus ang maong mga samples diin masayran ang resulta human sa duha ka semana.
Madumdumang adtong nakalabay’ng adlaw, aduna’y unom ka mga taga-Luzon ang misulod sa lalawigan taliwa nga apil ang ilang lugar sa NCR+ Bubble ug migamit og peke nga RT-PCT negative result.
Pursigido usab ang probinsyal nga panggamhanan sa Surigao del Norte nga kasuhan ang maong mga indibidwal.
