BUTUAN CITY – Mitahan sa kapulisan sa Kitcharao, Agusan del Norte ang squad leader sa Guerilla Front 19, Northeastern Mindanao Regional Committee, nga nag-operate sa mga hilit nga lugar sa Agusan del Sur ug Surigao del Sur bitbit ang usa ka kalibre .45 nga pistola human ang kapin sa tulo ka tuig nga pag-abin sa Communist Terrorist Group.
Gi-ila ni PBGen. Romeo Caramat Jr., regional director sa Police Regional Office kon PRO-13 ang mitahan nga si alyas Saski, 30-anyos, residente sa lungsod sa Santiago, Agusan del Norte.
Nalista si alyas Saski sa Periodic Status Report-Joint AFP-PNP Intelligence Committee Area alang sa 1st Quarter ning tuiga kinsa anaa na sa kostudiya sa kapulisan aron ma-assess sa ingon mahimong benepisyaryo sa Enhanced Comprehensive Localized Integration Program (E-CLIP) kansa duna’y financial assistance, libreng pabalay, ug libreng education benefits.
Alayon niini, gi-awhag sa opisyal ang tanang aktibong membro ug mga supporters sa teroristang grupo nga mutahan na ug i-apil pagtahan ang ilang mga armas sa ingon makabenpisyo sa E-CLIP program sa gobyerno.
