BUTUAN CITY – Gi-anunsyo ni Food and Drug Administration kon FDA Director General Eric Domingo nga gihatagan na nila og Emergency Use Authorization kon EUA ang COVID-19 vaccine nga gama sa Sinovac sa China. Kini human migawas nga nakakuha kini pg 65.3-porsientong efficacy rate sa Indonesia ug 91.3-porsiento usab sa Turkey.
Kini gitupok sa mga indibidwal nga nag-edad og 18 hangtud 59-anyos atol sa clinical trials kondiin migawas usab nga ubos ang efficacy rate niini ngadto sa 50-3-porsiento dihang gigamit sa mga health care workers nga na-expose sa mga COVID-19 patients rason nga wala kini girekomenda sa maong sektor.
Gidugang pa sa opisyal, halal-certified ang maong bakuna rason nga pwede kining gamiton sa mga ka-igsuuang Mulsim ug wala’y component nga gipalikay sa mga eksperto nga posibleng maghatag og adverse effects sa mga matupukan niini.
