-- ADVERTISEMENT --
BUTUAN CITY – Gipatuman gihapon hangtud karon sa Bureau of Jail, Management and Penology kon BJMP-Caraga ang total lockdown sa tanan nilang mga jail facilities.
Gipasabot ni assistant regional director Bernie Ruiz nga tumong nini nga masigurong dili mataptan sa makamatay nga COVID-19 ang ilang mga persons deprived of liberty kon mga piniriso apil na ang ilang mga personahe.
Gibutyag sa opisyal nga kapin sa usa ka tuig na nila kining gipatuman rason nga aron mawala ang kalaay sa mga piniriso ingon man kamingaw nga gibati nila sa ilang pamilya, nagpatuman sila og online visitation kondiin maka-istorya sa mga piniriso ang ilang mga mahal sa kinabuhi gamit lang internet connection.
