BUTUAN CITY – Magpahigayon og live simulation ug time in motion karong adlawa diha sa mga government pages alang sa paghidangat na sa COVID-19 vaccines dinhi sa nasud partikular sa Ninoy Aquino International Airport kon NAIA samtang duna usa’y live feed sa Mactan International Airport ug sa Davao International Airport.
Sa eksklusibong pakighinabi sa Bombo Radyo Butuan, gipadayag ni Philippine Information Agency kon PIA Director General Ramon Cualoping III nga atol sa ilang tigom kaganina, nasabutan nilang trataron sama sa head of state ang paghidangat sa mga COVID-19 vaccines.
Gibutyag ni Cualoping nga ang mga bakunang alang sa Mindanao sugatonog van padulong sa Southern Mindanao Medical Center, samtang ang alang sa Visayas ibutang sa Vicente Sotto Memorial Medical Center ug ang sa Metro Manila, ibutang usab sa Research Institute for Tropical Medicine kon RITM.
Paglabay sa tulo ngadto sa ka mga adlaw sugdan gilayon ang pagpamakuna kondiin partner sa gobyerno ang Zuelleg ug ang Unilab alang sa pag-store sa mga bakuna.
Gidugang pa sa opisyal nga dili lang bakunang gama sa Sinovac sa China ang gi-purchase sa Pilipinas kondili apil na sa Pfizer ug Astrazeneca ug uban pa tungod kay dili man makaya sa usa ka pharmaceutical company nga sa ila ra mukuha og bakuna ang usa ka nasud.
Kini isip pagklaro sa matud pa, fake news nga gipasi-atab sa mga kritiko sa administrasyon nga sa Sinovac lang nag-order og bakuna ang Pilipinas.
