BUTUAN CITY – Giklaro ni Department of Agriculture – Caraga Regional Executive Director Abel James Monteagudo nga sukad pa kaniadto, daan nang kulang ang supply ning rehiyon sa mga commodities rason nga recepient kini sa halos tanang mga commodities gikan sa kasikbit nga mga rehiyon.
Sa eksklusibong pakighinabi sa Bombo Radyo Butuan, gibutyag niining mas misamot kini karong na-igo sa African swine flu kon ASF ang industriya sa baboy sa Luzon ug Davao rason nga nagnihit ang supply.
Gipasabot sa opisyal nga kung basehan ang break-even price og production cause sa Caraga, ilang nasuta nga wala kini musaka rason ng natingla sila sa grabeng pagtaas sa presyo sa karneng baboy diha sa mga merkado ning rehiyon.
Aminado ang opisyal nga misabay lang sa uso ang mga meat vendors ning rehiyon sa pagsaka sa presyo niini didto sa kauluhan nga nang-angkat lang og karne tungod sa kadako na sa lugar nga na-apektuhan sa ASF.
Alayon niini, gipadayag sa opisyal nga unta sabton sa mga vendors nga mu-abot ng panahon nga dili na sila mahalinan kung padayon silang musakay sa panahon tungod kay mu-abot usab ang higayon nga mupalit na lang og laing produkto ang mga konsumidor.
Samtang ang gulay ug uban pa, nihit gihapon ang supply kondiin short gyod sa supply ang rehiyon rason nga padayon ang ilang paningkamot nga musaka pa ang produksyon.
Gani wala sila’y ma-contribute sa laing rehiyon tungod kay bisan sa kaugalingong supply alang sa mga Caraganons, kulang gihapon kini ilabina nga sukad gi-igo sa bagyong Vicky ang rehiyon niadtong Disyembre, dakong kada-ut ang gibilin niini sa mga pananom sa umahan.
Kung magpadayon gihapon kini, ang panahon na matud pa ang mukuriher niini nga sitwasyon higayong mapul-an na ang mga tawo sa grabe kamahal sa presyo sa maong mga produkto.
