BUTUAN CITY – Gi-turn-over na sa mga personahe sa Cabadbaran City ENRO ngadto sa Department of Environment and Natural resources kon DENR CENRO Tubay kagahapong adlawa ang usa ka head grass owl.

Ang maong langgam naluwas   sa mga personahe sa Department of Public Works and Highways kon DPWH-Caraga sa Brgy. Sanghan, Cabadbaran City, kansang tuong pako, na-injured.

Dali gilayong gidala ang maong wildlife ngadto sa City Veterinary Office alang sa general check-up kondiin gihinluan sa city veterinarian ang samad niini ug gitupukan og usa ka anti-bacterial shot aron malikayan ang impeksyon.

Sa pagkakaron, temporaryong gikostudiya ang owl sa CENRO-Tubay compound adiser kini itugyan ngadto sa Regional Wildlife Rescue Center sa may Kitcharao, Agusan del Norte.