BUTUAN CITY – Dul-an na sa sien-mil ka ektaryang kalasangan ang nasunog sa Fraser Island, sa Queesland State, Australia.
Sa eksklusibong pakighinabi sa Bombo Radyo Butuan, gibutyag sa Pinoy nurse nga si Denmark Suede direkta gikan sa Australia, nga migamit na ang fire services sa maong estado og 17 ka mga aircrafts aron lang palungon ang nagkalapad pang kalayo.
Gani ning miaging adlaw, mi-abot na sa us ka milyon ka litrong tubig ang gibubo nga tubig gawas pa sa 1.3 milyones litros niadtong Sabado.
Duna usa’y laing eroplanong duna’y propeller ang gigamit sa maong estado nga kayang muhulog og hangtod sa 10,000 litros nga tubig sa pipila ka minuto.
Dugang pa ni Suede, dili gilayon daling mapatay ang kalayo tungod sa kadako sa apektadong area ingon man sa weather pattern rason nga hangtod karun padayon pa ang operasyon sa mga bombero.
Madumduman pa nga niadtong Hunyo 2019 nga dunay sunog usab nga nahitano sa maong dapit kansa mokabat sa 18,000 ka hectares ang nasunog ng lasang ingon man ang mga properties niini, dunay 34 ang natalang patay ug 103 bilyon dollars ang natalang damyos.
Karong tuiga, kalit lang mi-ulbo ang kalayo nga mugna sa illegal camping nga gihimo ug tungod sa ka-init sa panahon ilabina ning holiday season ng maoy ilang summer season kondiin muk-abot a 40 ngadto sa 47-degrees Celsius ang normal nilang temperatura nga usahay mu-abot pa sa 50-degrees Celsius rason nga, lisod kining mapakgang.
Sa kasamtangang duna’y 150 ka mga residente ang nahikling na samtang ang laing 50 ka mga residente usab ang nagsilbing rural fire service volunteers nga nagbantay sa mga propiedad sa isla.
Hangtod karun wala pa’y gikatahong casualty sa maong dakong sunog sikat nga holiday Happy Valley.
