BUTUAN CITY – Nadungagan pa og 33 ka mga bag-ong kaso ug duha ka patay sa COVID-19 ang natala sa Caraga Region.
Sa online press briefing sa Center for Health Developent Caraga gitaho nga sa nasangpit nga ihap 4 ang gikan sa Agusan del Norte partikular na sa Buenavista, Las Nieves, Tubay ug Cabadbran City nga adunay tag-usa ka kaso.
Nakatala usab og tulo ka kaso ang San Francisco sa lalawigan sa Agusan del Sur, usa ang nadugang sa San Miguel Surigao del Sur duha sa Surigao City, 10 sa Bislig City partikular sa mga barangay nga Mangagoy nga dunay 5, Poblacion 4 ug Comawas 1. Nadungangan pa usab og 13 ang Butuan City partikular na ang mga barangay nga Villa Kanangaa nga adunay 3 ,tagduha sa Libertad ug Maug ug tag-usa ka dugang kaso sa barangay Agusan Pequeño – Ampayon – ,Bonbon – ,Golden Ribbon – ,Masao – ug ,New Society. Sumala sa ahensya nga sa mga bag-ong kaso 23 ang local transmission cases diin sa maong ihap 10 ang nasutang mga bag-ong kaso sa local tranmission.
Sa gitahong 33 ka mga bag-ong kaso 17 ang mga asymptomatic kong walay nasinating simtomas sa sakit 12 ang Mild ug 4 ang severe. Gibutyag usab sa DOH-Caraga nga bag-ong duha ka patay sa covid-19 usa ka 77-anyos nga lalakeng taga Bislig City nga walay comoribidity apan nakasinati og ubo, pagpanugnaw ug lisod sa pagginhaw adtong September 18,2020 , gidala ang pasyente sa ospital pagka September 29,2020 apan gideklara na kining dead on arrival. Ikaduhang kaso sa bagong nareport nga namatay mao ang 50-anyos nga lalakeng taga Bislig City kinsa Diabetic ,nakasinati og paglisod sa pagginhawa ug pagkawala sa panglasa adtong Sep. 16,2020 , nadala sa ospital adtong Sep. 18 apan gideklara na kining dead on arrival.
Sa kasamtangan ang total comulative confirmed cases sa Caraga Region misaka pa sa 1199 diin sa maong ihap 687 ang mga nakarekober na sa kaso 474 ang mga aktibong kaso kon nagpaayo pa , ug 38 na ang patay. Sumala sa ahensya miabot na sa 548 ang total local transmission cases sa tibuok Caraga Region diin sa maong ihap 433 niini ang gikan sa Butuan City.
Gianunsyo usab ni Department of Health Caraga Regional Director Dr. Jose R. Llacuna Jr. nga aduna nay local transmission cases ang natala sa Buenavista, Remedios T. Romualdez, Nasipit, Cabadbaran City , Surigao City ug San Francisco sa Agusan del Sur.
