BUTUAN CITY – Gihulat pa sa opisina sa National Bureau of Investigation kun NBI Caraga ang tubag sa ilang gipadalang sulat ngadto sa sentrong buhatan sa hisgutanang pagbalik sa ilang operasyon.
Kini human gisuspinde sa NBI-Caraga sugod niadtong adlaw’ng biernes ang ilang operasyon sama sa pagproseso ug pag release sa NBI Clearance human usab madawat sa buhatan ang RT-PCR result sa usa ka empleyado nga nagpositibo sa Covid-19.
Giklaro ni NBI Regional Director Atty. Sally Hans Barbaso, nga ipailawom sa disinfection ang ilang buhatan aron maproteksyunan usab ang mga kliyente nga moadto sa opisina.
Mi-abiso ang NBI sa publiko nga magpagawas lamang silag taho ugaling duna nay schedule sa pagbalik sa ilang operasyon.
Sa karon, padayon ang contact tracing nga gihimu sa buhatan samtang atua na usab sa quarantine facility ang nasangpit nga empleyado nga nagpositibo.
