BUTUAN CITY – Bukas ang sibyahan sa Bombo Radyo Butuan pagpaminaw sa panig sa Butuan City government partikular na sa City Health Office aron masayran ang ilang tubag kalabot sa reklamong gipa-abot sa usa ka returning overseas Filipino kon ROF nga gipa-abot ning sibyahan.
Sa eksklusibong pakighinabi sning sibyahan, gipadayag ni Evelyn Bozon nga taga-Brgy. Banza ning siyudad, nga niadto pang Agusto 18 siya naka-abot ning siyudad og gideretso sa isolation facility sa Brgy. Taguibo human nagpositibo sa rapid test taliwa nga negatibo na siya sa swab test gikan sa Manila.
Bisan sa iyang pagsunod sa quarantine protocol ning siyudad, ang iyang gikahi-ubsan tungod kay mi-abot pa siya og 21ka mga adlaw adiser na-swab test kaganina kansa lapas na sa 14-ka adlaw lang nga gi-require.
Mas misamot ang iyang kasakit tungod kay ang mga occupants sa Langihan Public Market nga ulahi pang gisulod sa maong pasilidad, mas una pang gi-swab test kay sa iya kansa gikonsidera niyang dili patas.
Gusto lang niining masayran kung unsa ang patakaran ning siyudad nganong ingon niini ang nahitabo kaniya kansa gitu-uhan niyang nahitabo usab sa uban pa.
