BUTUAN CITY – Malampusong nalusad kagahapon sa Department of Education kon DepEd-Caraga ang Revolution of Solutions Amidst Pandemic: Pasundayag sa mga Binag-ong Paagi sa Pagtuon sa Panahon sa Pandemya.
Sigon ni Dr. Isidro Biol Jr., hepe sa Curriculum and Learning Management Division (CLMD), tumong sa virtual activity ang pagpa-ila kon pag-introduce ngadto sa publiko sa managlahing modalities sa learning delivery isip tubag ngadto sa mga hagit nga namugna sa pandemya; pagdasig sa mga stakeholders pag-adapta na sa new normal diha sa education sector ug mangita og mga paagi aron mapalig-on ang ilang kinatibuk-ang suporta ug ma-andam ang tanang mga magtutudlo alang sa pagpatuman na sa maong mga modalities alang sa school year 2020-2021.
Gipresenta ang managlahing modalities gamit ang Google Meet ug gi-livestream sa official Facebook page sa DepEd Caraga Region. Lima ka mga tunghaan ang mihimo sa presentations nga gilangkuban sa Butuan City alang sa Online Distance Learning; Bislig City alang sa Radio-Based Instruction; Surigao del Norte alang sa Blended Learning: Online and Modular; Dinagat Islands alang sa Pure Modular; ug Agusan del Norte alang sa Remote School, Modular.
Sa iyang mensahe, gipadayag ni assistant regional director Arsenio Cornites Jr. Ang kamahinungdanon sa pagmugna og educational atmosphere sa matag-pinuy-anan lawom sa new normal rason nga panahon na matud pa aron i-convert ang atong mga panimalay ngdto sa tunghaan.
