BUTUAN CITY – Gipa-ilalom na sugod ning adlawa ang dakbayan sa Butuan City sa Modified General Community Quarantine kon MGCQ base na sa IATF Resolution No. 60-A, Series of 2020 uban sa guidelines gikan sa Executive Order No. 42 kansa mulungtad hangtud sa Agusto 15.
Kini human unang gipagawas ang EO 41 kondiin 36 ka mga barangays ang pabiling ubos sa Modified Enhanced Community Quarantine kon MECQ hangtud karong Agusto 10.
Samtang gikan sa kaniadto tulo ka mga adlaw nga gitugot paggawas sa mga tawo gamit ang ilang color-coded nga home quarantine pass, gibalik na kini ngadto sa duha na lang ka mga adlaw.
Ang mga naghupot sa nagkupot sa kolor itom nga HQP makagawas og balik sa mga adlaw’ng Lunes ug Huwebes; Martes ug Biernes sa kolor blue samtang Miyerkules ug Sabado sa kolor pula ug ang maong mga HQP dili magamit sa matag-adlaw’ng Dominggo, panahon sa curfew hours ug sa mga adlaw’ng gawas sa ilang eskedyol subay sa gipatumang color-coded scheme.
