BUTUAN CITY – Nagpadayon karon ang hot pursuit operation sa kapulisan sa Sison, Surigao del Norte human gidagit sa gitu-uhang mga rebeldeng New People’s Army kon NPA ang usa ka pulis kaganinang buntag didto sa Purok 1, Brgy. San Isidro, sakop sa maong lungsod.
Naila ang biktimang si Police Staff Sergeant (PSSg) Restie Dandan, 42 anyos, minyo, residente sa Purok 5-A Brgy. San Isidro.
Migawas sa inisyal nga imbestigasyon nga usa ka residente sa Brgy. Mayag, sa susamang lungsod ang mitaho sa kapulisan human niya nakit-an ang armadong kalalakin-ang midagit sa maong pulis kinsa gidala ngadto sa wala pa matinong direksyon.
Gihulat pa usab sa kapulisan ang komunikasyon gikan sa mga abductors aron masaysan ang ilang demand ug ang lokasyon karon sa biktima.
