BUTUAN CITY – Hilabihan ang pasalamat sa mga Returning Overseas Filipinos kon ROFs sa Bombo Radyo Butuan human gihatagan og aksyun sa Butuan City government ang ilang gipa-abot nga mga reklamo dihang naka-abot sila sa Butuan City Senior High School sa Barangay Taguibo ning dakbayan alang unta sa pag-isolate kanila.
Nasayrang nangabot kagahapon sa alas-3:00 sa kaadlawon ang kapin sa 20 ka mga ROFs nga taga-Butuan kinsa daling gidala sa isolation facility apan gireklamo nila ang dili andam nga pasilidad nga nagpasamot sa ilang stress tungod sa kahugaw niini ug kawalay plastar nga kabutangan unta kanila.
Human gipa-abot ang reklamo sa Bombo Radyo Butuan, mi-aksyon gilayon ang city government kondiin gidalhan gilayon sila og katre, mga beddings ug nagbutang pa og tangke alang sa tubig samtang gihinluan na ang mga pansayan
Mapasalamaton ang usa sa mga ROFs nga si Bridget Balagtas sa Bombo Radyo ug sa Butuan City Government nga mihatag sa ilang panginahanglanon sama sa mga lami-ang pagkaong gidalit og ang kanunay nga pag-monitor kanila pinaagi sa pagkuha sa ilang temperatura.
Karung Lunes subli silang ipa-ilalom sa rapid test og kung negatibo ang resulta, pwede na silang paulion sa ilang panimalay tungod kay nagnegatibo man usab sila sa rapid test sa Manila.
