BUTUAN CITY – Mi-abot na karon sa 202 ang mga positibong kaso sa COVID-19 sa Caraga Region human nadugangan og 12 ka mg bag-ong kaso ning adlawa.
Base sa anunsyo ni Department of Health kon DOH-Caraga Assistant Regional Director Rodolfo Antonio Albornoz, sa maong ihap, pito niini ang mga babaye samtang lima ang lalaki nga anaa sa edad nga 20 hangtud 530-anyos nga age group.
Walo kanila mga locally stranded individuals kon LSIs samtang tagduha usab ang mga Returning Overseas Filipinos kon ROFs ug frontliners.
Ang onse sa mga bag-ong kaso wala magpakita og simtomas samtang usa ang duna’y mild symptoms ug anaa na sa nagkada-iyang qurantine facilities ning rehiyon.
Sa mga bag-ong kaso, lima ang anaa sa Buenavista samtang duha sa Carmen pulos lalawigan sa Agusan del Norte; usa sa lungsod sa Rosario, Agusan del Sur; usa sa lungsod sa Alegria samtang duha ka Gigaquit pulos mga lalawigan sa Surigao del Norte ug usa dinhi sa dakbayan sa Butuan.
Sa pagkakaron, mi-abot na sa 95 sa mga nagpositibo ang nakarekober.
