BUTUAN CITY – Wala na makalingkawas gikan sa tinong kamatayon ang usa ka 72-anyos nga lolo human gitabangan ug kulata ug luba sa managsoong iyang silingan pasado alas-6:50 kagabii.
Naila ang biktimang si Juanito Avila, minyo, usa ka mag-uuma samtang ang mga suspek nailang sila Marlon Aparejado, 31-anyos ug Marjun Aparejado, 25-anyos, pulos residente sa Purok 11,Brgy. Sumile ning siyudad sa Butuan.
Migawas sa inisyal nga imbestigasyon sa ginsakpan sa Butuan City Police Station 4 nga pasado alas-tres pa lang kagahapon sa hapon, nakig-inom na ang biktima sa iyang mga higalang sila Ireneo Baybunting ug Junie Delantar apan paglabay sa tulo ka oras, namalhin sila pag-inom sa pinuy-anan sa managsoon.
Migawas matud pa ang biktimang si Avila pagka-alas 6:50 sa gabii aron mupalit og sigarilyo kondiin duna gilayo’y natigayong komosyon rason nga gi-apas ang biktima sa mga una niyang ka-inom.
Didto na nila nakita nga gisumbag si Avila ni Marlon ug dihang wala pa makontento, gibunalan kini og kahoy.
Dinhi na usab mikuha og kutsilyo si Marjun dayong dunggab sa biktima sa onse ka higayon rason nga wala na kini maka-abot pang buhi dhang gidala sa Butuan Medical Center.
