BUTUAN CITY – Misaka pa sa 32 ang total confirmed COVID-19 cases sa Caraga Region, human gi-anunsyo mi Department of Health kon DOH-Center for Health Development- Caraga regional director Jose Llavcuna Jr. kagabii ang nadugang nga napulo ka mga bag-ong positibo sa maong virus.
Kini gilangkuban sa mga Returning Overseas Filipinos (ROFs), Locally Stranded Individuals (LSIs) ug mga health workers. Ang pinaka-ulahing ihap lakip sa 55 ka mga specimens nga gipadala sa Southern Philippines Medical Center sub-national laboratory para sa confirmatory testing.
Sigon ni Dr. Llacuna nga ang mga bag-ong nagpositibo gilangkuban sa ika-23 nga kasong usa ka 27-anyos nga babayeng LSI nga taga- Buenavista, Agusan del Norte; nga gisundan sa usa ka 18-anyos; 17-anyos; 21-anyos ug 27-anyos nga mga babayeng LSIs nga parehong taga-Las Nieves, Agusan del Norte.
Samtang ang ika-28 usa ka 50-anyos nga health worker sa Nasipit, Agusan del. Norte ug 29-anyos nga babayeng LSI sa susamang lungsod samtang ng ika-30 mao ang 22-anyos nga babayeng taga-Bacuag, Surigao del Norte;ang ika-31 mao ang 23-anyos nga babyeng health worker nga taga-Butuan City ug ang katapusang nadugang mao ang 37-anyos nga lalaking LSI nga taga-Butuan City usab.
Pulos asymptomatic kon walay gibating sitomas ang maong mga bag-ong kaso gawas lamag sa ika-24 nga dunay mild symptoms.
